Paul sjreef: Leef luijj,
Beginne zoe langzamerhand die zönnekes al weer e bitsje in die hertsjes te sjijne....?
D’n aonläöp is e bitsje trager dit jaor, geluif iech, (in eder geval bijj miech.....). G’r realiseert uuch toch wel allemaol tot v’r euver dik twie weke de pruuk al weer ophöbbe, de confetti in de haore, en ‘t beer in de stroot.....? Allein mien zuster is geluif iech al stevig in de sfeer. Die kreig traone in häör aoge vaan Johnny Blenco’s Stokstraot (sjoen nummer, Maud!).
Um de herses e bitsje op gaank te bringe, goej iech mer ins eve ‘n ech mestreechs crypto-räödselke op de mail, wat spontaan hijj veurig wiekend op tafel kaom. Hijj keump ‘t
“Welke irritante mestreechse hajding (us alle vreemp netuurlik), steit gesjreve op ‘ne lege powerpoint slide?”
Oplossinge huur iech gere veur vastelaovendszoondag 12.00 oor bijj ‘t mooswief! En veur de harde kern netuurlik: zaoterdagaovend deveur.
Hellup, iech bin zoe slech in dit soort dinger. Wee heet un idee?
1 opmerking:
iech zow ut aoch neet wete. Dee Perfessor maak ziech wel erreg gemekelik devaanaof. Mer jeh, dat sjijnste te kinne doen este zoen gooj bekup in de femilie höbs.
Powerpoint slide, es iech dat kripties besjow, daan kom iech oet bijj e presenteerbleedsje. Mer iech kin miech gei leedsje bedinke boe dat in veurkump. Of heer mot get aanders bedoele, bijjveurbeeld krenterigheid. Dat zuuste daan in e leeg presenteerbleedsje. Dat is wel weer erreg wiet gezeuk.
Pe
Een reactie posten