Leef Vastelaovendvierend vollek vaan binne en boete Mestreech, dit is fase ein/twie/dreij etc vaan de Cito-tes 2006. U jaorliks tröckierende traditie, boein veer uzze inburgering moete veilgstelle ten faveure vaan ziene hoechlöstigheid. Un gooi CITO tes gief permissie vaan baas, sjaolhoof en echgenoet um zoonder ummezweeij naor Mestreech af te zakke en zingentere elkaar in de errem te sluute. Open de beijlage en probeer alle opgave te make.
Enne, volgens aofspraok mót de winna(a)r(es) vollegend jaor es twiedoezendzevecitoteskommendeur fungere, dus deilname aon dees tes verplieg uuch metein um in dat –iechweitututishaosneetveurtestèlle- geval aoch aon die verpliechting te voldoen.
Iederein maag metdoon, Alle antwoorde naor: m.boden@chello.nl
Slutingstermien: Zoondag 19 fibberewari um 12.11, dus percijs ein week veurdat de Vastelaovend oppe Vriethof weurt ingesjote. Eventuweel later ingesjikde oplossinge kinne allein oonder veurbehajd vaan fikse steekpenninge alsnog mètgenóme weure.
Geer höb dus unne maond d'n tied, mie es genóg, zow iech dinke.
De tes kint geer hey ophole, alvas eve un paar veurbeelden (categorie mekelike vraoge), :
1) Wat heet heer aon, boven op dee stool?
2) Wat begint daan?
3) Num 3 dinger die iech neet maag
4) Wie lang heet heer gewach
5) Wat móste mèt Carnaval vergete
6) Wat is de bèste raod vuur uuch
7) Boe goon veer promenere?
8) Wat is gaar neet dom?
9) Neet gesjote is?
10) Wee wèl iech neet?
11) Wat pak iech bijj 't Mooswief?
Haol aoch de beijbehurende muziek: cito2006.mp3
Names Peter, veul sukses en verras hum met originele en raakgekoze antwoorde. En neet alleen dat, kom naor Mestreech veur de sjoenste daog vaan ut jaor.
Kiek aoch op http://www.carnavalinmaastricht.nl/
Of heij Carnaval in Mestreech en Carnaval in Mestreech 2003 en 2005 foto's of 2004 foto's
Geen opmerkingen:
Een reactie posten